ဂျိုက်ကာက စီမံကိန်းနှစ်ခု အတွက် ငွေကြေးထောက်ပံ့

javascript

ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA) က မကွေးမြို့နယ်ဆေးရုံ 

ပိုမိုကောင်းမွန်ရေးနှင့် မြန်မာ့အသံနှင့် ရုပ်မြင်သံကြားအတွက် ရုပ်သံထုတ်လွှင့်ပစ္စည်းများ 

အသစ်ဝယ်ယူရန် ငွေကြေးထောက်ပံ့မှုများ ပေးအပ်ခဲ့ကြောင်း ယခုလ ၄ ရက်တွင် 

သတင်းထုတ်ပြန်ခဲ့သည်။


မကွေးမြို့နယ် အထွေထွေဆေးရုံ ပိုမိုကောင်းမွန်ရေးစီမံကိန်းအတွက် ငွေကြေးထောက်ပံ့မှုကို 

ပြီးခဲ့သည့် ဧပြီ ၂ ရက်တွင် ဂျပန်ယန်းငွေ ၂ ဒသမ ၂၈၁ ဘီလျံဒေါ်လာ ထောက်ပံ့ပေးအပ်မှုကို 

လက်မှတ်ရေးထိုးခဲ့သည်။


အဆိုပါ မကွေးဆေးရုံစီမံကိန်းသည် မကွေးမြို့နယ် အထွေထွေဆေးရုံကြီးအတွင်းတွင် မီးယပ်နှင့် 

သားဖွားဆောင်၊မွေးကင်းစကလေးထားဆောင်၊ အရေးပေါ်နှင့် ခွဲစိတ်ကုသ ဌာနများအတွက် 

အဆောက်အအုံအသစ်များ တိုးချဲ့တည်ဆောက်မည်ဖြစ်သည်။


ထို့ပြင် ကျန်းမာရေးဝန်ဆောင်မှုများအတွက် လိုအပ်သည့် ပစ္စည်းကိရိယာများထောက်ပံ့မှု

အတွက်လည်း အဆိုပါငွေကြေးထောက်ပံ့မှုထဲမှ အသုံးပြုမည်ဖြစ်သည့်အတွက် မကွေးတိုင်း

ဒေသကြီးအတွင်း နေထိုင်သူများ၏ လူနေမှုကို ပိုမိုကောင်းမွန်လာစေမည်ဖြစ်ကြောင်း JICA 

ထုတ်ပြန်ချက်တွင် ဖော်ပြထားသည်။


မြန်မာ့အသံနှင့် ရုပ်မြင်သံကြားအတွက်ရုပ်သံထုတ်လွှင့်ရာတွင် အသုံးပြုသည့် ပစ္စည်းများ 

အသစ်ဝယ်ယူနိုင်ရန်လည်း JICA မှ မတ် ၂၇ ရက်တွင် ဂျပန်ယမ်းငွေ ၂ ဒသမ ၂၆ ဘီလျံကို 

ထောက်ပံ့ပေးမှုအတွက် လက်မှတ်ရေးထိုးခဲ့သည်။


ရန်ကုန်နှင့် နေပြည်တော်ရှိ ရုပ်သံလွှင့်ဌာနနှစ်ခုက ရုပ်သံလွှင့်အစီအစဉ်များ အရည်အသွေးမြင့် 

ထုတ်လွှင့်နိုင်ရန် ရည်ရွယ်ပြီး JICA က ငွေကြေးထောက်ပံ့ပေးခြင်းဖြစ်ကြောင်းလည်း

ဖော်ပြပါရှိသည်။


ဂျပန်နိုင်ငံက ၁၉၈၂ ခုနှစ်မှစ၍ မြန်မာ့အသံနှင့် ရုပ်မြင်သံကြား၏ စတူဒီယိုစင်တာ

ဆောက်လုပ်ရေးနှင့် အစီအစဉ် ထုတ်လွှင့်မှုများတွင် လိုအပ်သည့် ပစ္စည်းများကို ထောက်ပံ့

ပေးခဲ့ခြင်းဖြစ်သည်။

Facebook comments

Logo
 Tel: (+95)-9-5006267, (+95)-9-43157 571, (+95)-9-43157 572

 Head Office: Unit 201, Shwe Hintha Tower A, Pyay Road, 6.5 Mile, Hlaing Township Yangon, Myanmar.