ကွန်ကရစ်နှင့်ပတ်သက်သော ဆောက်လုပ်ရေးလုပ်ငန်းသုံးပစ္စည်းများထုတ်လုပ်မည့် စက်ရုံတည်ဆောက်ရန် လက်မှတ်ရေးထိုး

javascript

ကွန်ကရစ်နှင့်ပတ်သက်သော ဆောက်လုပ်ရေးလုပ်ငန်းသုံးပစ္စည်းများ ထုတ်လုပ်ဖြန့်ချိ

သည့်စက်ရုံတည်ဆောက်ရန် ပြည်တွင်းအခြေစိုက်  Tiger Supply ကုမ္ပဏီ၊ ဂျပန်နိုင်ငံ

အခြေစိုက် Aizawa ကုမ္ပဏီနှင့် Fukken ကုမ္ပဏီတို့ မေ ၉ ရက်က သဘောတူလက်မှတ်

ရေးထိုးခဲ့ကြောင်း Tiger Supply ကုမ္ပဏီ၏ ဒါရိုက်တာ ဒေါ်ညိုမီဆွေမြင့်က ပြောသည်။


''ကွန်ကရစ်နဲ့ပတ်သက်တဲ့ ဆောက်လုပ်ရေးလုပ်ငန်းသုံးပစ္စည်းတွေကို ထုတ်လုပ်ဖို့ 

ကျွန်မတို့ ပြည်တွင်းကုမ္ပဏီက ၅ဝ ရာခိုင်နှုန်းနဲ့ ပြည်ပကုမ္ပဏီနှစ်ခုက ၅ဝ ရာခိုင်နှုန်း 

အချိုးကျ ရင်းနှီးမြှုပ်နှံမှာ ဖြစ်ပါတယ်။ စက်ရုံကို လွန်ခဲ့တဲ့ တစ်နှစ်လောက်က စတင်

ဆောက်လုပ်ခဲ့ပြီး အခုချိန်မှာတော့ Phase 1 ဆောက်လုပ်ပြီးပါပြီ။ ကျန်တဲ့ Phase 2 နဲ့ 3

တွေကို ဆက်လက်ဆောက်လုပ်မှာဖြစ်ပါတယ်''ဟု ၄င်းကပြောသည်။


အဆိုပါစက်ရုံကို ရွှေပြည်သာမြို့နယ် ဝါးတစ်ရာစက်မှုဇုန်တွင် တည်ဆောက်နေခြင်း

ဖြစ်သည်။


ဆောက်လုပ်ရေးလုပ်ငန်းသုံးပစ္စည်းများ ပူးပေါင်းထုတ်လုပ်ရန်နှင့် နည်းပညာများမျှဝေရန် 

ယခုတရားဝင် လက်မှတ်ထိုးပြီးသည့် အချိန်မှစ၍စက်ရုံ စတင်လည်ပတ်မည်ဖြစ်ကြောင်း 

၄င်းက ပြောသည်။


''စက်ရုံမှာ ကွန်ကရစ်နဲ့ပတ်သက်တဲ့ အဆင့်မြင့်နည်းပညာသုံး ဆောက်လုပ်ရေးလုပ်ငန်း

သုံးပစ္စည်းတွေကို အဓိကထုတ်လုပ်ဖြန့်ချိမှာ ဖြစ်ပါတယ်။ အခုအချိန်မှာ အသင့်သုံး 

ကွန်ကရစ်တွေဖြစ်တဲ့ ပရီကတ်စနစ် ကွန်ကရစ်တွေကို ဖြန့်ချိမှာဖြစ်ပါတယ်။ ပရီကတ်

ကွန်ကရစ်တွေက ဆောက်လုပ်ရေး လုပ်ငန်းခွင်ကြာချိန်ကို ခေါက်ချိုးမက လျှော့ချနိုင်လို့ 

ရန်ကုန်မြို့မှာ လက်ရှိလာရောက် ရင်းနှီးမြှုပ်နှံကြတဲ့ နိုင်ငံခြားရင်းနှီးမြှုပ်နှံမှုကုမ္ပဏီတွေ၊ 

သီလဝါစက်မှုဇုန်က စက်ရုံတွေ တည်ဆောက်ရာမှာအသုံးများပါတယ်။ စက်ရုံစတင်

မလည်ပတ်သေးခင်မှာကို ကျွန်မတို့စက်ရုံကို ကြိုတင်ပစ္စည်း မှာထားတာတွေလည်း 

ရှိပါတယ်''ဟု ၄င်းက ပြောသည်။


Source : Myanmar Time

Facebook comments

Logo
 Tel: (+95)-9-5006267, (+95)-9-43157 571, (+95)-9-43157 572

 Head Office: Unit 201, Shwe Hintha Tower A, Pyay Road, 6.5 Mile, Hlaing Township Yangon, Myanmar.