ကွန်ဒိုတစ်လုံး၏ လေးပုံတစ်ပုံကို နိုင်ငံခြားသားတစ်ဦးတည်းက ဝယ်ယူနိုင်မည်

javascript

မကြာခင်ထုတ်ပြန်မည့် ကွန်ဒိုနည်းဥပဒေတွင် နိုင်ငံခြားသားများအနေဖြင့် ကွန်ဒိုတစ်လုံး၏ စုစုပေါင်း အခန်း ၄၀ ရာခိုင်နှုန်းထိ ဝယ်ယူခွင့်ပြုပေးမည်ဖြစ်ပြီး တစ်ဦးတစ်ယောက်တည်းက ဝယ်ယူလိုလျှင် အများဆုံး ၂၅ ရာခိုင်နှုန်းအထိ ဝယ်ယူခွင့်ပြုပေးမည်ဟု မြို့ပြနှင့် အိမ်ရာဖွံ့ဖြိုးရေးဦးစီးဌာန အိမ်ရာဖွံ့ဖြိုးရေးဌာနခွဲမှ ဒုတိယညွှန်ကြားရေးမှူး ဦးနွေမှုးက ပြောသည်။

မြန်မာနိုင်ငံမှ နာမည်ပျက်စာရင်းသွင်းခံထားရသူများမှာမူ ဝယ်ယူခွင့်ရမည်မဟုတ်ပေ။


လက်ရှိအိမ်ခြံမြေစျေးကွက်သည် အရောင်းအဝယ်အေးစက်နေရာ ယင်းအတွက် မျှော်လင့်ချက်တစ်ခုဖြစ်သော နိုင်ငံခြားသားများကိုပါ အခန်းဝယ်ခွင့်ပေးမည့် ကွန်ဒိုဥပဒေကို အများက စောင့်မျှော်နေခဲ့ကြသည်။ သို့သော် ဥပဒေ၏ နောက်ဆက်တွဲဖြစ်သည့် နည်းဥပဒေမထွက်သေးသဖြင့် အသေးစိတ်လုပ်ထုံးလုပ်နည်းများ အသက်မဝင်သေးသဖြင့် စျေးကွက်မသွက်လာသေးဘဲ နည်းဥပဒေကို ဆက်စောင့်နေခဲ့ကြရသည်။


သို့ရာတွင် နည်းဥပဒေမှာလည်း မကြာခင် ထွက်ရှိတော့မည့်ဟု တာဝန်ရှိသူများကဆိုထားပြီး ယင်းနည်းဥပဒေ တွင် ပါဝင်လာမည့် ပြဌာန်းချက်များအား ဦးနွေမှုးက မြန်မာနိုင်း(မ်)ကို ပြောကြားခြင်းဖြစ်သည်။


ကွန်ဒိုဥပဒေတွင် အခန်းဝယ်ယူသူတိုင်းသည် မိမိဝယ်ထားသည့် အခန်းပမာဏအတိုင်း မြေရာကိုလည်း ခွဲဝေ ပိုင်ဆိုင်ခွင့်ရှိသည်ဟု ပြဌာန်းထားရာ နိုင်ငံခြားသားများကလည်း မြေရာပိုင်ဆိုင်ခွင့်ရှိမည့်သဘော ဖြစ်နေသည်။

သို့ဖြစ်၍ ယင်းအချက်ကိုမူ နည်းဥပဒေဖြင့် ထပ်မံကန့်သတ်သည့်အနေဖြင့် နိုင်ငံခြားသားသည် အဆောက်အအုံ ၏ သက်တမ်းကာလအတွင်းသာ ပိုင်ဆိုင်ခွင့်ရှိရမည်ဟူသည့် အချက်ကို ထပ်မံဖြည့်သွင်းရန် ရှေ့နေချုပ်ရုံးက အကြံပြု လာသဖြင့် ညှိနေရသေးကြောင်း ဦးနွေမှုးက ဆိုသည်။


ကွန်ဒိုဆောက်သူသည် အုတ်မြစ်ချလုပ်ငန်း ၃၀ ရာခိုင်နှုန်းပြီးစီးမှ မှတ်ပုံတင်အရာရှိထံသို့ လာရောက် အသိ ပေးရမည်ဖြစ်ကာ ထိုသို့အသိပေးပြီးမှသာ အခန်းများကို ကြိုပွိုင့်စနစ်ဖြင့် စတင်ရောင်းချနိုင်မည်ဖြစ်သည်။ ကြိုတင် ရောင်းချရငွေကိုလည်း ဘဏ်တွင်အပ်နှံကာ အဆောက်အအုံတည်ဆောက်မှုအတွက်သာ ထုတ်ယူသုံးစွဲရမည်ဖြစ်ပြီး ပြင်ပတွင ်သုံးစွဲခွင့်မရှိကြောင်း ၎င်းကဆိုသည်။


“တချို့က အခန်းတစ်ခန်းတည်းကို သုံးယောက်လောက် လိုက်ရောင်းထားတာမျိုးရှိတယ်။ ဒါကြောင့် အတတ် နိုင်ဆုံး ဝယ်ယူသူဘက်က အလိမ်အညာခံရတာမျိုးမဖြစ်အောင် ထည့်သွင်းရေဆွဲထားတာဖြစ်ပါတယ်”ဟု ဦးနွေမှုးက ပြောသည်။


ကွန်ဒိုနည်းဥပဒေထွက်ရှိလာပါက ပိုင်ဆိုင်မှုများ သေချာခိုင်မာလာမည်ဖြစ်ပြီး ရရှိရမည့် အကျိုးခံစားခွင့်များကို လည်း ဝယ်ယူသူများဘက်မှ သေချာပိုင်းခြား သိမြင်လာမည်ဖြစ်ကြောင်း၊ လက်ရှိ အေးစက်နေသော အိမ်ရာအရောင်း စျေးကွက်လည်း သွက်လာမည်ဟု ဦးနွေမှုးက ခန့်မှန်းသည်။


ထို့ပြင် နည်းဥပဒေတွင် ဆောက်လုပ်ရေးလုပ်ငန်းရှင်များအနေဖြင့် စျေးကားခြင်း မပြုလုပ်စေရန် အဆောက် အအုံ၏ ၇၅ ရာခိုင်နှုန်းကို မဖြစ်မနေ ရောင်းကိုရောင်းရမည်ဟူသည့်အချက်ကို ထည့်သွင်းရေးဆွဲထားကြောင်း သိရ သည်။


အာရှမြေဆောက်လုပ်ရေးလုပ်ငန်း အထွေထွေမန်နေဂျာ ဦးရန်အောင်ကမူ ကွန်ဒိုနည်းဥပဒေတွင် ကွန်ဒိုတိုက် ခန်းများအတွက်သာမက အခြားအထပ်မြင့်အဆာက်အအုံများအတွက်ပါ ထည့်သွင်းရေဆွဲစေလိုကြောင်း၊ ဘိုးဘွားစဉ် ဆက် အမွေဆက်ခံခွင့်ရရှိစေရန်၊ မြေပိုင်ခွင့်ရရှိစေရန်၊ ခိုင်မာမှုနှင့် ပိုင်ဆိုင်မှုအတွက် အာမခံချက်အခိုင်အမာရှိစေရန်၊ ဘဏ်နှင့် ချိတ်ဆက်ပြီး အရစ်ကျဝယ်ယူခွင့်ရရှိစေရန် စသည့်အချက်များ ပါဝင်လာရန် မျှော်လင့်ကြောင်း ပြောသည်။


ကွန်ဒိုဥပဒေတွင်ပါရှိသည့် နိုင်ငံခြားသား ဝယ်ယူခွင့်ပေးမည့်အချက်သည် အိမ်ခြံမြေစျေးကွက်ကို ပြန်လည် ဦးမော့လာစေနိုင်မည်ဟု မျှော်လင့်ကြောင်း မြန်မာနိုင်ငံ အိမ်ခြံမြေလုပ်ငန်း ဖွံ့ဖြိုးတိုးတက်ရေးအသင်း ဒုဥက္ကဠ ဦးစိုင်းခွန် နောင်က ပြောသည်။


နိုင်ငံခြားသားများအတွက် ငှားရမ်းနေထိုင်ခြင်းသည် စျေးနှုန်းအတက်အကျ မြင့်လွန်းသည့်အတွက် အဆင်မပြေ မှုများရှိကြောင်း၊ အခန်းဝယ်ယူခွင့်ပြုလိုက်ပါက ကွန်ဒိုစျေးကွက်ကို အထောက်အကူပြုနိုင်ကြောင်း၊ ကွန်ဒိုဥပဒေတွင် ပါဝင်သည့် အရည်အသွေးကန့်သတ်ချက်များကြောင့် အဆောက်အအုံများ ပိုမိုကောင်းမွန်လာမည်ဟု မျှော်လင့်ကြောင်း လည်း ၎င်းကဆိုသည်။

“ဥပဒေကို လေ့လာရသလောက် တော်တော်ပြည့်စုံပြီး လက်ခံလို့ရတဲ့အချက်တွေကပဲ ဖြစ်ပါတယ်။ နည်းဥပဒေ ကိုတော့ မြန်မြန်ထွက်လာဖို့ပဲ မျှော်လင့်ပါတယ်”ဟု ၎င်းက ဆက်ပြောသည်။


Source : Myanmar Time

#realestate #property #lease #buy #sell #apartment #condo #flat#house

#villa #residence #office #commercial #residential #realtor #agency#agent

#tenant #leasing #yangon #myanmar #estate#estatemyanmar#estatemyanmarnews

Facebook comments

Logo
 Tel: (+95)-9-5006267, (+95)-9-43157 571, (+95)-9-43157 572

 Head Office: Unit 201, Shwe Hintha Tower A, Pyay Road, 6.5 Mile, Hlaing Township Yangon, Myanmar.