စီးပွားရေးလုပ်ငန်းရှင်က ကျူးကျော်သူများအား မြေဂရန်ရရှိသည်အထိ ပြုလုပ်လှူဒါန်းမည်

javascript

ရခိုင်ပြည်နယ် ကျောက်ဖြူမြို့ ငလပွေ့ကျေးရွာတွင် ပိုင်ရှင်ရှိမြေပေါ် ကျူးကျော်နေထိုင် နေကြသည့် အိမ်ခြေ ၂၁ လုံးအား အဆိုပါမြေပိုင်ရှင်ကလှူဒါန်းကာ မြေဂရန်များပိုင်ဆိုင် သည်အထိ ဆောင်ရွက်ပေးမည်ဖြစ်ကြောင်း သိရသည်။


+++ ခွဲဝေလှူဒါန်း +++


အဆိုပါမြေနေရာမှာ ကျောက်ဖြူမြို့ဒေသခံ စီးပွားရေးလုပ်ငန်းရှင် ဦးငြိမ်းချမ်းမောင်ပိုင်ဆိုင်သောမြေဖြစ်ပြီး ၎င်း၏မြေပေါ်တွင် ကျူးကျော်အိမ်ဆောက်လုပ်နေထိုင်ကြသူများမှာ လည်း ယခင် ၁ဝနှစ်ကျော်က စတင်နေထိုင်သူများဖြစ်ကာ အများစုသည်ဆင်းရဲနွမ်းပါးပြီး မြေယာပိုင်ဆိုင်ကြရန် မလွယ်ကူသည့်အတွက် မိမိပိုင်ဆိုင်သော မြေဧက ၂၀ ကျော်မှ ခွဲဝေလှူဒါန်းပေးခြင်းဖြစ်ကြောင်း သိရသည်။


"ကျွန်တော်ကိုယ်တိုင်လည်း အိုးပိုင်အိမ်ပိုင်မရှိတဲ့အခြေအနေမှာ အများကြီးနေထိုင်ခဲ့ တယ်။ လက်ရှိနေထိုင်ကြတဲ့ လူတွေကလည်း ဒေသခံရခိုင်တိုင်းရင်းသားတွေပါပဲ။ သူတို့ အနေနဲ့ ကိုယ်ပိုင်မြေတစ်ခုရလာအောင် မဖန်တီးနိုင်လို့ အခုလို မြေပိုင်မရသေးတာပေါ့။ သူတို့အနေနဲ့ မြေပိုင်ဆိုင်ဖို့ဆိုတာ ခက်ခဲပါတယ်။ အခုဆိုရင်တော့ အဆင်ပြေတာပေါ့။ ကျွန်တော့်အမည်ပေါက် ပိုင်ဆိုင်ထားတဲ့မြေကို သူတို့ကိုခွဲပေးလိုက်တယ်ဆိုရင် သူတို့ တရားဝင်အမည်ပေါက် ပိုင်ဆိုင်သွားပြီပေါ့"ဟု ဦးငြိမ်းချမ်းမောင်က ပြောဆိုသည်။


+++ မြေဖို့ပေးမည် +++


ယင်းနေရာမှာ ဒီရေတက်သည့်အချိန်တွင် ဒီရေဝင်ရောက်သည့်အတွက် ဒီရေတားနံရံ များပါပြုလုပ်ပေးကာ မြေဖို့ပေးရန်အထိ စီစဉ်လျက်ရှိပြီး မြေပိုင်ဆိုင်ခွင့်များကို ဇူလိုင် ၃ ရက်က လွှဲပေးခဲ့ရာ ယင်းနေ့တွင် ပုဆိုးတစ်ထည်စီကိုပါ လက်ဆောင်အဖြစ်ပေးအပ်ခဲ့ပြီး အလုပ်အကိုင်များလိုအပ်လျှင်လည်း မိမိထံတွင် ဝင်ရောက်လုပ်ကိုင်နိုင်ကြကြောင်း၊ လက်ရှိ မြေနေရာများကို တစ်ဆင့်ရောင်းချမှုမပြုလုပ်ကြဘဲ နေထိုင်ကြဖို့ကိုပါ မှာကြားခဲ့ကြောင်း သိရသည်။


Source : The Myanmar Times

Facebook comments

Logo
 Tel: (+95)-9-5006267, (+95)-9-43157 571, (+95)-9-43157 572

 Head Office: Unit 201, Shwe Hintha Tower A, Pyay Road, 6.5 Mile, Hlaing Township Yangon, Myanmar.