မန္တလေးမြို့ ဖွံ့ဖြိုးတိုးတက်မှု လျင်မြန် အရှေ့တောင်အာရှ၏ စမတ်စီးတီးတွင်ပါဝင်

javascript

မန္တလေးမြို့၏ ဖွံ့ဖြိုးတိုးတက်မှုသည် (၂)နှစ်ကျော်ကာလအတွင်း လျင်မြန်စွာ တိုးတက်ပြောင်းလဲလာခဲ့သဖြင့် အရှေ့တောင်အာရှနိုင်ငံများမှ စမတ်စီးတီး (၁၀)မြို့တွင် မန္တလေးမြို့လည်း ပါဝင်ကြောင်း Cio-asia.com တွင် ဖော်ပြထားသည်။


မြန်မာနိုင်ငံ၏ ဒုတိယမြို့တော် မန္တလေးနှင့်အတူ ဗီယက်နမ်နိုင်ငံ ဟနွိုင်းမြို့ ၊ အင်ဒိုနီးရှားနိုင်ငံ ဂျာကာတာမြို့ ၊ မလေးရှားနိုင်ငံ ကွာလာလမ်ပူမြို့ ၊ ထိုင်းနိုင်ငံ ဖူးခက်မြို့ ၊ အင်ဒိုနီးရှားနိုင်ငံ မကစ်ဆာမြို့ ၊ ဗီယက်နမ်နိုင်ငံ ဒါနန်းဆိပ်ကမ်းမြို့ ၊ ထိုင်းနိုင်ငံ ဘန်ကောက်မြို့နှင့် ဖိလစ်ပိုင်နိုင်ငံ နယူးကလပ်စီးတီးမြို့တို့ ရွေးချယ်ခံရသည်။


မန္တလေးမြို့သည် မြန်မာဘုရင် နောက်ဆုံးထီးနန်းစိုက်ရာမင်းနေပြည်တော်ဖြစ်ခဲ့ပြီး မြို့ရိုးနှင့်ကျုံး ထိန်းသိမ်းထားနိုင်ကာ ယဉ်ကျေးမှုမြို့တော်အဖြစ် ရပ်တည်လျက်ရှိသည်။ မန္တလေးမြို့တော် ဖွံ့ဖြိုးတိုးတက်ရေး၊ မြို့ရေပေးဝေရေး၊ အမှိုက်စွန့်ပစ်မှုဆိုင်ရာ စီမံခန့်ခွဲခြင်း၊ ရေဆိုးသန့်စင်ခြင်း၊ လုပ်ငန်းများကိုလည်း ဂျပန်အပြည်ပြည်ဆိုင်ရာ ပူပေါင်းဆောင်ရွက်ရေးအဖွဲ့၊ ပြင်သစ်ဖွံ့ဖြိုးရေးဆိုင်ရာ အကူညီပေးရေးဆိုင်ရာ အေဂျင်စီများနှင့် ပူးပေါင်း၍ နည်းပညာနှင့် ငွေကြေးအထောက်အပံ့ရယူကာ မြို့ပြဖွံ့ဖြိုးုလုပ်ငန်းများ ဆောင်ရွက်ခဲ့သည်။


မန္တလေးမြို့တော်စည်ပင်သာယာရေးကော်မတီ ဘဏ္ဍာနှစ်အလိုက် မန္တလေးမြို့ဝင်မြို့ထွက် လမ်းမကြီးများ၊ မြို့တွင်းလမ်းများနှင့် ဆင်ခြေဖုန်းရပ်ကွက်လမ်းများ အဆင့်မြှင့်တင်နိုင်လွန်ကတ္တရာလမ်းများ ခင်းပေးနိုင်ခြင်း၊ နိုင်ငံတကာ အဆင့်မီ LED မီးများ တပ်ဆင်ပေးနိုင်ခြင်း၊ ယာဉ်စည်းကမ်း လမ်းစည်းကမ်း ထိန်းသိမ်းရေး အချက်ပြမီးပွိုင့်သစ်များနှင့် (၂၄)နာရီ စောင့်ကြည့် စီစီတီဗွီများ တပ်ဆင်ပေးနိုင်ခြင်း၊ ရေးစီးရေလာ ကောင်းမွန်ရေးဆောင်ရွက်ပေးနိုင်ခြင်းသည် စမတ်စီးတီးအဖြစ် ရွေးချယ်ခံရခြင်းအတွက် အထောက်အကူပြုကြောင်း သိရသည်။


Source : Zaygwet Journal

Facebook comments

Logo
 Tel: (+95)-9-5006267, (+95)-9-43157 571, (+95)-9-43157 572

 Head Office: Unit 201, Shwe Hintha Tower A, Pyay Road, 6.5 Mile, Hlaing Township Yangon, Myanmar.